MADALENAS

INGREDIENTES

1 tarrina de Tulipán.
Coa mesma tarrina preparamos o resto das medidas:

1 tarrina de Maicena.
½ tarrina de fariña
1 tarrina de azucre
 6 ovos
1 sobre de fermento.

ELABORACIÓN

Remexemos  a fariña, o Tulipán, a Maizena, o fermento e o azucre.

Despois de bater ben botamos os ovos e seguimos remexendo.

Cando estea ben batido enchemos os moldes e  botámoslle azucre  por enriba.


Temos o forno xa quente a 180º e as madalenas estarán listas de 15 a 20 min.

GALLETAS DE COCO E NATA

INGREDIENTES

-250gr de fariña
-3 ovos
-150gr de azucre
-200gr de manteiga
-1 vaso de leite morno
-1/2 paquete de fermento
-1 bote de doce de leite
-tres culleradas de nata caseira
-coco (cantidade a elixir)

ELABORACIÓN

Bótanse  os ovos , a fariña e o  azucre nun bol. 
Reméxese e pouco a pouco  vaise botando o leite.Cando a masa estea espesa engádeselle a manteiga derretida, a nata e o fermento.
Reméxese e déixase repousar a masa unha media hora.
Esténdese a masa e cando estea moi fina, dámoslle forma cun molde.
Quentar o forno previamente a 180 graos e fornear as galletas durante cinco minutos.
Unha vez estean ben forneadas, cóllese o bote de doce de leite e  úntanse as galletas.
 Engádeselle o  coco enriba do doce de leite colocando outra galleta enriba.

TARTA DE LIMÓN

INGREDIENTES

Masa

* 200 gr. de galletas María ( ou calquera outro tipo)
*  100 gr. de manteiga
* 2 culleradas de azucre
* 1 cullerada de canela


Para a crema

* 1 bote pequeno de leite condensado.
* ¼ Kg. de nata montada
* 2 limóns


Merengue

* 2 claras de ovo
* 4 culleradas de azucre
* canela para espolvorear

                 

                        Masa: Aplastar as galletas e amasalas coa manteiga,  o azucre e a canela. Forrar un molde de fondo móbil engraxado, apretar ben os bordes e metelo na neveira. 

Crema: Verter nun bol o leite condensada e mesturala co zumo dos limóns e a reladura dun deles. Bater e incorporar con movemento envolvente a nata.

Merengue: Montar as claras co azucre e poñelo namanga  pasteleira cunha boquilla. Encher a tartaleta coa crema, e facer unha rexilla co merengue.Espolvorear a canela e gardar na neveira durante aproximadamente dúas horas.
Desmoldar e servir.

















E así sería o resultado final:

PAN GALEGO

INGREDIENTES:

* 750 g.de fariña de trigo
* 1 vaso de auga
* 40 g. de fermento
* 1 ovo
* sal
* aceite de oliva

ELABORACIÓN

Quentamos o forno. Desfacemos o fermento na auga morna, o ovo e o sal. Mesturamos e engadimos a fariña pouco a pouco. Amásase enerxicamente. Aceitámonos as mans, volvemos amasar e ímoslle dando forma deixando que se impregne ben o aceite, pois mellora moito o sabor do pan. Envolvémolo nun trapo e  deixámolo repousar uns ¾ de hora ata que a masa aumente de volume.
 Cun coitelo moi afiado dáselle uns cortes en forma de cruz e cócese no forno a 180 graos ata que estea cocido e ben dourado. E listo.

POLBO Á FEIRA

INGREDIENTES

* 2 kg de polbo
* 100 g de pemento en po picante
* 100 g de sal semigordo
* Aceite

ELABORACIÓN

Lávase o polbo en auga fría e ponse ó lume nunha pota con auga; cando rompa a ferver, cóllese o polbo e métese e sácase da auga tres veces. Déixase cocer o polbo durante uns vinte minutos e, a continuación, retirámolo do lume e deixámolo repousar cinco minutos. De seguido, sácase da auga e córtase en anacos finos cunha tesoira. Ó servilo, ponse nuns pratos de madeira  condimentándoo por esta orde: sal, pemento en po e aceite.

FLAN DE TURRÓN

INGREDIENTES

1 Litro de leite.
1 sobre de flan Royal grande
Turrón brando
200 ml de nata

ELABORACIÓN

Metemos nun recipiente o leite, o flan , a nata e o turrón esmigallado.
Poñemos  a fogo lento e remexemos .
Untamos un molde con caramelo líquido e vertemos a mestura.
Cando arrefríe metemos na neveira ata o día seguinte .







 

ORELLAS

INGREDIENTES

* 80 gramos de manteiga
* 80 ml de auga
* 1 ovo
* 400 gr de fariña
* 1 culler pequena de sal
* Aceite para fritir
* Azucre  para envolver
* Un groliño de anís
* Raspadura de limón ao gusto.

ELABORACIÓN

Poñemos todos os ingredientes nun recipiente e amasámolos durante aproximadamente 20 minutos, ata que a masa se despegue das paredes do recipiente. Deixamos repousar uns 15 minutos, estiramos a masa e cun molde oval cortámola.
Picamos cun garfo as orellas para que non inche a masa ao fritilas e a continuación fritímolas en aceite moi quente volta e volta. Quitámolas, escorremos e envolvemos en azucre.
Listas para comer!

ROSQUILLAS DE ANÍS

Esta é a receita da sobremesa que miña bisavoa materna facía sempre en ocasións especiais e que agora segue facendo miña avoa Fina. É unha receita  que nunca falta na nosa mesa nas celabracións do  Nadal.    

INGREDIENTES

    6 ovos
    250 gr de azucre
    1 copiña de anís
    fariña
    Aceite para fritir
   

    ELABORACIÓN

 
Mestúranse os ovos, o azucre, o anís e un chisco de sal. Váiselle incorporando a fariña ata formar unha masa.
Fórmanse as rosquillas e  frítense en abundante aceite,  escórrense e  déixanse arrefriar.
Por último  espolvoréanse con azucre.

EMPANADI LLAS DE BONITO E PEMENTOS

INGREDIENTES

8 obleas de empanadillas.
150 gr de bonito en aceite de oliva.
1 lata de pemento morrón.
150 gr de olivas recheas de anchoas.
2 ovos.
Salsa de tomate frito.
Aceite de oliva.
Sal.

ELABORACIÓN

1º  Poñer a cocer un dos ovos 10 minutos desde que a auga ferva.
2º  Escorrer ben o bonito en conserva e mesturalo coa salsa de tomate coa axuda dun garfo.
3º  Escorrer o pemento morrón e picalo, logo engádese a mestura do bonito. Picar as olivas e o ovo duro e engadilo tamén. Formar unha masa con máis ou menos picada segundo a textura desexada.
4º  Poñer no centro de cada oblea parte do recheo preparado. Pechalas sobre si mesmas presionando os bordes cun garfo para que queden seladas. Bater outro ovo e untar as obleas con el.
5º  Facer no forno a uns 200º ata que se doren durante uns 10 minutos.

CHOCO NA SÚA TINTA

INGREDIENTES

1 kg de chocos
 2 cebolas grandes
 Aceite de oliva
 Sal
 Pemento vermello.
 Tomate cherry

 

ELABORACIÓN

Primeiro cortamos a cebola en rebandas finas. Poñémolas de base nunha cazola cun pouco de aceite de oliva. Incorporámoslle sal e unhas tiras de pemento vermello. Deixamos rustrir uns minutos e engadímoslle o choco lavado coa cuncha cara a arriba. Debe colocarse ben, que quede como unha flor. Cando comeza a ferver, deixamos a cazola a lume lento.
O tempo de cocción depende do tamaño do choco, aproximadamente 30 minutos. Pódese acompañar con arroz en branco, patacas cocidas ou patacas fritas. Para decorar podemos engadir un tomate cherry confeitado e unha folla de leituga.

EMPANADA DE MILLO CON BERBERECHOS

 

INGREDIENTES

 2 cebolas grandes
1 pemento pequeno
 Pemento moído                 
 Aceite de oliva
1 ½ kg de fariña de millo
½ kg de fariña de centeo
 Sal

ELABORACIÓN

En primeiro lugar, preparar a masa da empanada. Poñer a fariña de millo nun recipiente e engadirlle un litro de auga morna. Unir con tranquilidade e, cando estea ligada, incorporar a fariña de centeo e deixar repousar. Para facer a base do recheo, rústrense nunha tixola as cebolas cortadas en medias lúas, co pemento e o perexil. Cando a cebola súe, engadirlle un pouco de pemento moído. Abrir os berberechos cun golpe de vapor e comezar a montar a empanada, colocando unha base de masa en anacos pequenos estendidos e unidos coa axuda dun coitelo. Facer sobre este fondo outro de recheo e colocar enriba desta última capa os berberechos, previamente baleirados da cuncha. Volver colocar a masa estirada en pequenos parches por riba dos berberechos e meter ao forno xa quente a lume medio-alto durante unha hora. Deixar que amorne antes de empezar a comer. Esta empanada pódese facer con diferentes recheos, pero co que, se cadra, mellor se complementa é co recheo de bacallau con pasas. Para elaboralo, só hai que esmigallar o bacallau desalgado e engadirlle un rustrido de cebola cunha manchea de pasas.

CALDO GALEGO

INGREDIENTES

• 1 feixe de grelos
• 100 g de feixóns a remollo ou fabas brancas
• 1 bo anaco de unto duns 40 gr
• ½ kg de patacas
• 1 óso de lacón
• 1 óso de cana de tenreira

                                                                                    ELABORACIÓN

O verdadeiro caldo galego é un caldo enxebre, que só leva unha mestura de patacas, fabas, verduras e unto de porco.
Poñer ao lume un pote con auga, os feixóns ou fabas brancas e os ósos. Poñer os grelos lavados e partidos coas mans nun recipiente diferente con auga fervendo para quitarlles parte do amargor. Retíranse e resérvanse. Cando comece a ferver a auga coas fabas, engadirlle o unto. Ao pasar 45 minutos, incorporar as patacas cortadas en anacos non demasiado grandes e os grelos. Deixar todo ao lume ata que estea ben cocido e, para rematar, rectificar de sal. Cómpre lembrar que o caldo galego se pode elaborar tanto con grelos -coma nesta receita- coma con nabizas ou repolo, segundo a tempada.

FILLOAS

En Cangas chamámoslles filloses. Cómense de moitos xeitos: soas, con azucre ou mel e os máis vellos con viño.

Aquí engado a receita escrita a man na cociña da miña avoa.

Agora engado fotos dos pasos da súa elaboración:

E o remate final

CHURRASCO

INGREDIENTES

Sal
Costela de porco

PREPARACIÓN

Déixase quentar a grella uns trinta minutos e logo bótanse as costelas.
Dáselles  volta e volta e xa están listas para comer.

As fotos dos pasos fíxenas eu. Foi un traballo compartido.

LENTELLAS

                                                                                         INGREDIENTES

• 3l. de auga
• ½ kg de lentellas
• 1 chourizo
• 1 óso de vaca
• 1 póliña de perexil
• 1 folla de loureiro.
• 200 gr.. de touciño con carne
• 1 cebola pequena
• 1 cenoria mediana
• 1 porro
• 300 gr.de patacas

ELABORACIÓN

1. As lentellas lávanse ben  e escórrense.
2. As patacas pícanse en anacos moi pequenos.
3. O touciño tamén se pica en anacos pequenos.
4. O chourizo córtase en rebandas.

Cociñar

1. Botamos todos ingredientes na tarteira con auga fría e as lentellas e prendemos o lume.
2. Deixamos que se coza todo
3. Cando están case cociñadas quitamos todas as verduras e pasámolas pola batedora.
4. Unha vez trituradas fritímolas un pouco na tixola e botámoslle un pouco de pemento doce.
5. A continuación vertémolo dentro das lentellas e removémolo.

CHÍCHAROS CON XAMÓN

INGREDIENTES

-Chícharos
-Xamón
-Cebola
-Allo
-Aceite
-Un pouco de caldo de carne
-Un pemento verde

PREPARACIÓN:

-Nunha tixola con aceite fritir o xamón cortado en cubos pequenos.
-Engadir o allo, a cebola e o pemento verde picado en anacos pequenos.
-Engadir os chícharos e cubrilos co caldo fervendo
 
 Á parte podes engadir pequenos anacos de pataca en cubos e chourizo segundo o gusto de cada un.

Comer e rascar..........

FILLOAS

EMPANADILLAS

CHOCO NA SUA TINTA

Comer e rascar.......Todo o malo é empezar.

Os rapaces e rapazas de 2º de ESO do  Colexio Compañía de María de Cangas recollen neste blog unha pequena mostra das receitas compartidas cos seus avós.